ظنونك خلها عندك ابيك تغير اسلوبك

اذهب الى الأسفل

ظنونك خلها عندك ابيك تغير اسلوبك

مُساهمة من طرف ..*..Mody..*.. في الجمعة فبراير 15, 2008 9:12 am

السلام عليكم و رحمة الله و بركاته


حبيت انقل لكم هذي القصه و اتمنى تعجبكم بنزل الجزء الأول اذا عجبتكم بكملها ان شاء الله


و هي قصه

ضنونك خلها عنك أبيك تغير أسلوبك

للكاتبه %% آخر العنقود %%





الجزء الاول ..

كانت رزان جالسه اتفحط بسيارتها وحاطه اغاني واصوات عاليه وفالتها البنت وما تحس الا بصوت ينتشلها من سعادتها ...رزان .. رزان ..رزانوووه ووجع ..قوووومي ...
تفتح عيونها وترجع تسكرها وتلف الجهة الثانيه وتكمل نومتها ..
روان : رزانووه ووجع ان ماقمتي اللحين بتشووفين .. والله لااروح واخليك ..
رزان : هممممم
روان :ياربي بتجلطني هالبنت رزاااااان (بصراخ ) قووووووووووومي ..
رزان : هاا .. نعم .. وش تبين مصحيتني من احلى نومه واحلى حلم !!
روان : وانا من ساعه وش اقوول قووومي لمووو ولدت بنروح لها المستشفى ..
رزان فزت وجلست : وشو وش تقوووولين من جدك .. احلفي !!! وشلون ومتى وكيف ؟؟!!!!
روان : اللحين قومي غسلي وجهك وصلي والبسي وبالطريق اقولك كل شيء ..
رزان : طيب ..كيفها اللحين ووش جابت ؟!!
روان: الحمد الله .. ولاده طبيعيه .. وجابت بنوته زي الئمر ..
وطلعت وتركتها ..قامت رزان وبسررعه صلت ولبست اول شيء طاحت عيونها عليه جينز وتيشيرت وتنس شووز ونزلت .. لقت روان تحت تستناها ولابسه عبايتها وطلعوا واركبوا السياره .....

(رزان .. بنت رررجه .. فللله .. هبله .. تحاول تصير عربجيه قاصه شعرها بووي وافكارها كل تفكر بالسيارات والتطعيس .. مع ان شكلهايجنن وعلى قصتها البوي مازالت ملامحها ناعمه ... عمرها 19 سنه وهي بمستووى ثاني .. بجامعه الملك السعود وتخصصها ..اداره اعمال ...
روان .. بنت طيووبه .. وعسوووله .. اجتماعيه .. الكل يحبها .. عمرها 22 سنه اخر مستوى لها ... )

-------------------------------------------

كان راجع توه من الدوام وزحمه الطريق وشمس وحر ونفسه بخشمه كانت الساعه 3 ونص دخل البيت هدوء سكر الباب وراه توجه للمطبخ شربكاسه موويه بااااارده مره وحده من العطش اللي فيه .. واللتفت على الفرن شاف الاكل الموجود شال القصدير .. امممممممم .. اكلته المفضله .. مكرونه بالباشاميل .. مسك البيز وطلع الصحن من الفرن وراح الثلاجه وطلعله كولا وغرف له من الاكل وجلس ياكل ويتامل الفراغ اللي قدامه ... شووي ومايحس الا ب
: بوووووو ..
رفع نظره لها وعطاها نظره وكمل اكله ..
ديما : بسم الله .. لا تذبحني بس .. وشفيك ؟!!!
فيصل : ديما وخرري عن وجهي اقسم بالله اشووف الشياطين تناقز قدامي ..اخزي الشر وروحي ..
ديما : هو .. عسى ماشر .. وجت غرفتلها وجلست تاكل معه : وشفيك يااخوي الدنيا ماتسوووى ..
ناظرها وتم ساكت وهي ساااكته .. وبعد ماملى بطنه وهو يحس ببروده المكيف اللي فتحها اول مادخل بدى يروووق ..
فيصل : يالله فاااتك اليووم وش صار .. لقيت باقه ورد بمكتبي ومعها بطاقه منمجهوول خخ ..
ديما تناظره وتقول بداخلها سبحان مغير الاحوال تو بيكفخني واللحين رااايق وهادئ صدق غرريب هالانسان ..
ديما : احلىىىى ومن مين عاد ..
فيصل : يالدلخه وانا شقول من الصبح .. اقولك من مجهوول .. بس احسه مقلب من واحد من الشباب ..
ديما : وليه مايكون وحده من هالبنات اللي معك بالشغل معجبه فيك وغمزتله ..
فيصل : هذا الناقص بعد .. شكلك متاثره بمسلسل ER ياحبيبتي حنا بسعووديه ..
ديما : هههههه .. طيب طيب .. الا اقول بتنام اللحين ؟
فيصل : لابروح ادور بالشوارع اكيد بنام ماتشوفيني راجع من الدوام هلكان مو مثل بعض الناس عندهم اووف من قدهم ..
ديما : بسم الله ماشاء الله .. عاد هو واحد حرام عليك لاتعطيني عين عليه ..
فيصل : لاتخافين عيني مو حاره .. المهم انا بروح انام .. تبين شيء
ديما : سلامتك يااخوي نووم العوافي ..
فيصل : الله يعافيك .. صحيني الساعه 6 طيب ..
ديما : اوكي ..
(فيصل شاب سعودي مثله مثل غيره من الشباب طيب وحنون بس مايبين عليه يعني من داخله طيب مهما سوى .. غرريب فيه تناقظات يعني مزاجي .. مره تلقاه معصب وفجاءه يقلب ولا كانه كان معصب من شوي ويجلس يضحك معك .. عمره : 27 سنه يشتغل بمستشفى التخصصي بالرياض .. بقسم الاشعه وهو من النووعالهادئ والمحترم ..والكل يحبه ويحترمه ..
ديما ... اخت فيصل عمرها 19 سنه تدرس بجامعه الملك سعود تخصصها اداره اعمال بنت فرفووشه بس حسب يعني بوقت الجد جد ووقت المزح مزح ...

================================

كانت منسدحه على السرير والغرفه ظلااااام بعد مع طلعوا امهاوخواتها امها بتوصلهم وتريح شووي وتجيبلها ملابس وترجعلها .. ابتسمت وهي تذكر بنتها ... يالله كيف بريئه وبيضه .. تذكرت تعليق خواتها كيف ان شعرها واقف على الموضى من اللحين اجل لااكبرت وش بتسوي .. جلست تتذكر الام اللي حست فيها بالطلق بس كل شيء نسته بمجرد ماشافت بنتها وماحست الا باللي يبوس جبينها فتحت عينها وناظرته وهو يناظرها ومبتسم ردت له الابتسامه .. ومرت لحظات وهم يتاملون بعض ...
لمياء : ها يابو ساره وين رحت ؟..
توسعت ابتسامته يوم قالت ابو ساره وحست قد ايش هو مبسووط ببنته ...
عبد الرحمن : ابد يالغاليه .. وطلع يدينه اللي كان حاطهم ورى ظهره وطلع من الكيس علبه وعطاها اياه .. اخذتها والابتسامه مازالت على وجهها وفتحتها وشهقت كانت جواها ساعه ماركه فيرزاتشي الماس خطيييييره ..
لمياء : مشكووور ياقلبي .. ليه كلفت على حالك .. شكلها غاليه ..
عبد الارحمن : مافي شيء غالي عليك.. ماتتصورين وشلون اليوم مبسووط اليوم اسعد يوم بحياتي ..
لمياء : جعلها دوووم ايامك سعيده يارب ..
عبد الرحمن : وياك حياتي ..
لمياء : صح وش صار على الحلا خلص والا لسى ؟
عبد الرحمن : لا بكره وانا جايك بمر عليه واجيبه .. لاتخافين كل شيء تحت السيطره .. ههههه
لمياء : ههههه .. اوكي .. بس لاتنسى اعرفك نساي ..يبغالك ميه مره اذكرك ..
عبد الرحمن : هههههههه .. لالا تخافين انشاء الله ماراح انسى ..
ومسكت بطنها وهي حس بتقلصات تالمها وضغطت على بطنها وعقدت حواجبها ...
عبد الرحمن : قرب منها .. : وشفيك .. وش يعوورك .. وش تحسين فيه .. ؟؟
لمياء :لا بس شووي الامر طبيعي لاتنسى اني ماكملت 24 ساعه حتى من جبت الاموره بنتك ..
عبد الرحمن :ههههه .. ايه خلاص اجل بخليك ترتاحين مع اني ماودي اتركك ..اذا بغيتي شيء رنه وانا عندك ..
لمياء : ههههههههههه .. حشى سوير مان مو عبد الرحمن خخخ
عبد الرحمن : ههههههههههه .. يلا مع السلامه ... وقرب باسها وطلع ...
وطلع عبد الرحمن ولمياء تتابعه بعيونها الى ان اختفى عن نظرها .. يالله كيف تحب هالانسان وماتتخيل حياتها بدونها .. ماتخيل انها تفقده بتنجن لو صار فيه شيء ونامت وهي بتاملاتها .......
(لمياء : عمرها 26 سنه متخرجه من جامعه الملك السعود .. خريجه رياض اطفال صارلها سنتين من تزوجت عبد الرحمن ماكانت تؤمن بشيء اسمه حب كانت تعتبره خرفات وكلام فاضي بس ماعرفته الا من عبد الرحمن ..انخطبت خطبه عاديه وتزوجت زواج تقليدي ومع كل يوم تحبه اكثر من اليوم اللي قبله علمها كيف تحب وعلمها كيف تعيش سعيده معه .. حبته بكل جوارحها ....
عبد الرحمن شاب عمره 32 سنه .. رجل بكل معنى الكلمه كل معالم الرجوله فيه طيب .. وشخصيه قوويه .. عنده قدره اقناع فضيييعه .. تزوج من لمياء زواج تقليدي عن طريق الاهل .. ماكان يعرفها بس من شافها دخلت خاطره وقلبه وبتعاملها الرقيق والذووق معه وطيبه قلبها وبرائتنها حبها بدون شعور منه الا ان تغلغلت فيه ..صارت اللحين هينقطه ضعفه ...)
=======================

دخلت عليها لقتها مقابله الاب توب وملامحها ذااايبه والابتسامه على وجهها ..
: ريـــم .. ريـــــــم ... ريــمــوه .. ياهووووو ..
ريم : اممممم .. هلاااا .. <بصووووت هادئ وذااااايب ..
هنوف : هههههههه .. وشفيك تقولينها كذا .. وانتي ذايبه ..
ريـم : آآآه يافوفو .. يازينه ياربي .. يااناس .. ياحبي له ..
هنوف : منهو هالمره ماعرفتيني عليه ..
ريــم : آآآآآه طلووولي .. يازينه ياربي .. الله يرزقني بواحد مثله .. يابختها نووره فيه .. الله يوفقهم يااااارب ..
هنوف : هههههههههههه .. الله يرررجك ومصدقه .. تدعيلهم .. ههههههه .. الله يكملك بعقلك بس .. قووومي بس البسي ابركلك .. شوفي الساعه صارت كم .؟
ريم : يووه وليه البس انشاء الله ؟!!
هنووف : ريمووه .. نسيتي والله لو درت ديما كان ذبحتك .. اليووم مو مسوويه جمعه وعازمه البنات عندها .. والله لاتزعل لو ماجيتي ....
ريم : يووووه نسيت .. الله يذكرك الشهاده .. يلا انقلعي اطلعي خليني اجهز بس ..
هنوف : هذا جزاتي اللحين مالت عليك بس ..
وطلعت ..
(ريـم بنوته تووحفه ..امووره .. كيووت .. مجنونه قصص .. تحب تعيش جو وخيالها واااسع .. تتمنى تحب وتنحب وتعيش قصه حب .. بس عارفه انها بالنهايه دامها عايشه هينا بوسط عاداتنا وتقاليدنا مستحيل تحب ومؤمنه بهالشيء بس تجيها طنات بعد كل قصه تبلشهم ابي احب خخخخ ... عمرها 19 سنه .. مع ديما بنت خالتها تدرس اداره اعمال ..
هنوف .. بنووته طيوبه وراعيه سوالف 24 ساعه تكلم صديقاتها .. يسمونها سنترال البيت .. عمرها 17سنه سنه ثاني ثانوي.. )
================

جالس قدام المرايا وجالس يحط جل بشعره وبعد ماخلص اخذ العطر وتعطر .. واخذ جواله وبوكه ومفاتيحه .. وطلع من غرفته ...
نزل الصاله لقى هنوف كاعادتها جالسه اتكلم بالتلفون ..
هنووف : ههههههههههه .. كذااابه .. وشلوون .. لا عاااااد .. متى ..
فهد : هنوفوووه وانتي ماشغلتك الا ماسكه هالسماعه وتكلمين .. ماخلصت قرقتك ..
هنووف : اقوول سوسو دقيقه وتحط هولد .. : اش اش فضحتنا عند البنت .. وبعدين وش تبيني اسووي .. ها ..
فهد : اقوول لا يكثر .. المهم بلغي الوالده ان اليوم ماراح ارجع الا الفجر ..
هنوف : وليه انشاء الله .. وش عندك ؟!
فهد : وانتي وش دخلك قولي لامي وبس .. المهم انا طالع .. باي ..
وطلع وسفها ... ورجعت هنوف تكمل سوالف ...
(فهد شاب .. عمره 26 سنه موظف حكومي وعنده محل كمبيوتر .. دمه خفيف .. حبووب .. يهتم بلبسه ومظهره .. وسيم .. )

==============

كانت جالسه تتفرج على التلفزيون بهدوء وماتحس الا بالكره تنشت على وجهها ..
: آآآآآآآىىه .. يالدوووووووب .. ماتشوووف ..
كانت الظربه قويه جت علىخدها وصاااار احمرررر ..
نواف : آسف والله ماشفتك ..
هيفاء : اللحين في احد يلعب كره بالصاله .. قله الاماكن .. وقامت راحت المطبخ وجابت لها كيسه ثلج وحطتها على وجهها .. وجلست تكمل الفلم تعودت علىالاصابات اللي تجيها من اخوانها ..
(هيفاء بنتوته الوحيده وعندها 3 اخوان اصغر عنها و2 اكبر عنها .. يعني ماعندها اخوات .. عشان كذا كانت مع صديقاتها دائما .. كل عندهم والا تطلع معهم واهلها مايعيون لانهم يرحمونها حرام وحيده .. عمرها 18 سنه اول سنه جامعه تخصصها قانون ..)

===================


farao
avatar
..*..Mody..*..
أإْلًَُـًَجًَُـًَأإْرٍُحًَُ مًَُـًَُـٍِدٍيرٍٍ أإْلمًَوٍقًَعًُ
أإْلًَُـًَجًَُـًَأإْرٍُحًَُ مًَُـًَُـٍِدٍيرٍٍ أإْلمًَوٍقًَعًُ

عدد الرسائل : 334
العمر : 28
الموقع : عيــ..*...ــنآهـآ بيـــــــ..*..ـتي
رقم العضو : 1
المزاج :
البلد :
الاوسمة :
عدد النقاط :
95 / 10095 / 100

تاريخ التسجيل : 12/02/2008

معاينة صفحة البيانات الشخصي للعضو http://algarhh.mam9.com

الرجوع الى أعلى الصفحة اذهب الى الأسفل

رد: ظنونك خلها عندك ابيك تغير اسلوبك

مُساهمة من طرف الوردا الحمرا في الإثنين مارس 03, 2008 9:34 pm

قصص كتير حلوى كمل الجزء التاني يعطيك العافيه
فوفو Wink
avatar
الوردا الحمرا
النائب الثاني للمدير
النائب الثاني للمدير

عدد الرسائل : 66
العمر : 33
رقم العضو : 6
البلد :
الاوسمة :
عدد النقاط :
70 / 10070 / 100

تاريخ التسجيل : 20/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: ظنونك خلها عندك ابيك تغير اسلوبك

مُساهمة من طرف ..*..Mody..*.. في الإثنين مارس 03, 2008 10:58 pm

مشكورة فوفو

على المرور العطر

لايحرمنا تواجدك

ودمتي بود

_________________
يمآني في هواه، يتركـ العالم وراة،يمتلكـ كل المشاعر،ومن عرفة مآ نسآة
avatar
..*..Mody..*..
أإْلًَُـًَجًَُـًَأإْرٍُحًَُ مًَُـًَُـٍِدٍيرٍٍ أإْلمًَوٍقًَعًُ
أإْلًَُـًَجًَُـًَأإْرٍُحًَُ مًَُـًَُـٍِدٍيرٍٍ أإْلمًَوٍقًَعًُ

عدد الرسائل : 334
العمر : 28
الموقع : عيــ..*...ــنآهـآ بيـــــــ..*..ـتي
رقم العضو : 1
المزاج :
البلد :
الاوسمة :
عدد النقاط :
95 / 10095 / 100

تاريخ التسجيل : 12/02/2008

معاينة صفحة البيانات الشخصي للعضو http://algarhh.mam9.com

الرجوع الى أعلى الصفحة اذهب الى الأسفل

رد: ظنونك خلها عندك ابيك تغير اسلوبك

مُساهمة من طرف العقرب في الأربعاء مارس 12, 2008 3:20 am

مشكور

اخي محمد
بارك الله فيك

وزاد من امنثالك


تقبل مروري
ولا تحرمنا من اي جديد


والسلام عليكم ورحمه الله وبركاته

العقرب
avatar
العقرب
نائب المدير الاول
نائب المدير الاول

عدد الرسائل : 245
رقم العضو : 5
البلد :
الاوسمة :
عدد النقاط :
77 / 10077 / 100

تاريخ التسجيل : 14/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى