اسئلة بايخة يومية لا غنى عنها...!!!

من طرف **رووزي** الأربعاء مارس 19, 2008 7:19 am

اسئلة بايخة يومية لا غنى عنها
حامل سماعة التلفون وعم تبلش تدق بالأرقام، بيجيك حد فجئه من أهلك وعلى وجه علامة الإستغراب والدهشة: بدك تحكي بالتلفون؟

معزومين على بيت جماعة، ولما بتدقوا الباب .. بيفتح واحد فهمان وبيقول بدهشة:هه إجيتوا ؟؟؟..لا واله لسه بطريق شو رأيك
.

لابس أحلى أواعيك ومتعطّر وشايل مفاتيح السيارة وجزدانك وداحل لبراة البيت، بيجي

حدا من أهلك بيسألك، شو رايحلك شي مشوار !!؟؟

لا والله طالع عالأسطوح اصلح الصحن

حاطت راسك ونازل دحي بهالكتب والدراسة، بيجي أبوك أو امك...: عم تدرس

لا والله ...!! عم غير زيت للسيارة

بتطلع بتكسي وبتحط هيك و يتطول(شيكلين)وبتعطيها للي ئدامك
وطبعا معروف من الازل انو الاجرة شيكلين
، وبكل برودة بيئلك: واحد ؟
لاء شو رأيك بدفع عن صاحبي هايو بالتكسي الي ورانا

بتكون فايت على بيت ..بتطلع فيك أمك بكل زكاء بتئلك: شو إجيت!!!!!؟؟؟

بتتصل مع حدا من اصحابك من رقم الشغل و هو حافظه
بيئولك شو بلاقيك بالشغل..وبكون وئت الدوام لسه بأوله ما خلص

بتفيئ الصبح و بتكون عم تغسل وجهك بيجي حدا من أهلك و بيئلك شو فئت - لأ عم امشي بنومي

بيشوفوك عم تحكي عالتلفون و صوتك وصلان لعند الجيران بيئولولك شو عم تحكي - لأ عم غني

بتكون راجع باخر الليل على البيت و اذا بتفتح الباب
بيطلع حدا من اهلك " شو بلاقي رجعت " اه و الله شو بدكم تساوو زلمتي ما رضيت تنيمني عندها اليوم كمان

بتكون طالع مشوار مع اصحابك و عاطي خبر لاهلك انك بدك تتأخر
بأول المشوار والطلعة بيرن تلفونك و اذ واحد ا من الاهل الاحباب
شو بدك تطول هينا بنستناك
لا والله انا ما رح طول كنت عم اضحك عليكم انو بدي اتاخر اليوم

بتكون صرلك زمان مو شايف واحد بيقلك شو لساتك عايش ؟؟
لا متت

بتكون نايم وملعون يومك من التعب بيجي حدا من أهلك بيفيئك وهو عم يسئلك .. نايم!!!
لاوالله عم عد خيطان وش المخدة

و شو رأيكم بنوع تاني.......باللي بفوت لعندك وأنت بعز نومك .....وبدير
باله لتقوم تفيق .....بعدين بقرب بفيقك ...بهمس...وبقلك كانو بدهم يفيئوك
بس ما خليتهم

بيفتحو أهلك الخط وانت فايت dail up عالنت....ومبين صوت طنطنة وسامعين الوشة وبكل برادة قلب بيقلولك : شو فاتح النت؟؟
لا والله.....بس عم احكي مع صاحبي بالمريخ والخطوط شوي تعبان